FLASH
Shkruar nga Pamfleti
Një episod që rrallë shihet në botën e futbollit ndodhi në ndeshjen e Kupës së Rusisë mes Zenitit dhe Akhmat Grozny-t.
Protagonist ishte mbrojtësi tunizian, Nader Ghandri, i cili në minutën e 73-të shënoi golin që i dha shpresë skuadrës së tij, edhe pse takimi u mbyll 2-1 për Zenitin.
Në kohën shtesë, arbitri e ndëshkoi Ghandrin me karton të kuq. Teksa largohej nga fusha drejt dhomave të zhveshjes, ai zgjodhi t’i dhuronte fanellën e tij me numrin 75 një tifozi në shkallët e stadiumit. Por situata mori një kthesë të papritur: pas ndërhyrjes së VAR-it, kartoni i kuq u anulua dhe u kthye në të verdhë.
Kjo krijoi një skenë surreale. Ghandri u detyrua të rimerrte fanellën nga tifozi për t’u rikthyer në fushë dhe për ta çuar ndeshjen deri në fund. Pas përfundimit të takimit, mbrojtësi tregoi sportivitet duke ia dhënë sërish fanellën të njëjtit tifoz, këtë herë pa u penguar nga teknologjia.
Ky episod unik hyri menjëherë në historinë e Kupës së Rusisë si një nga momentet më të pazakonta të futbollit modern.
Lini një Përgjigje