Sport20 Korrik 2023, 15:40

Futbolli shqiptar në zi! Ndahet nga jeta ish-portieri i shquar i Tiranës

Shkruar nga Pamfleti

Futbolli shqiptar në zi! Ndahet nga jeta ish-portieri i shquar i

Është ndarë nga jeta në moshën 82-vjeçare, Ilir Elini, portieri i njohur kampion i 17 Nëntorit të Tiranës, skuadrës legjendare të viteve 60-70.

Ilir Elini është ndarë nga jeta mbrëmjen e djeshme.

Pas lajmit që Elini është ndarë nga jeta kanë reaguar dhe disa ish-lojtarë të periudhës kur ka luajtur dhe portieri i 17 Nëntorit.

Pastaj, shërbimi ushtarak i detyruar, kur në moshën 18-vjeçare u largua për në Peshkopi, për të luajtur atje, duke u aktivizuar me skuadrën e Korabit, madje edhe me përfaqësuesen e këtij rrethi në veprimtaritë kombëtare të kohës. Rikthehet në klub, duke zëvendësuar Bujar Tafajn, që edhe ky do të largohej për një periudhë disavjeçare për të kryer shërbimin ushtarak.

Titullar i padiskutueshëm në ndeshjet e mëdha të asaj periudhe, duke u shpallur kampion me 17 Nëntorin, në të parin titull, atë historik, të sezonit 1964-1965.

Si përfaqësues i brezave të portierëve të shquar të këtij klubi në ato vite, nga Metani, Bathorja, Tafaj, Ilir Elini me karakteristikat dhe cilësitë që i nevojitet një portieri, ka patur fatin ta shkruajë emrin në atë ekip të famshëm, në krah me Frashërin, Halilin, Kasmin, Ali Memën, Osman Memën, Nuri Bylykun, Skënder Hykën, Ben Bukovikun, Bahri Ishkën, Niko Xhaçkën, Luigj Bytyçin, në skuadrën mitike të drejtuar nga Myslym Alla dhe Enver Shehu.

Karriera e Ilir Elinit, do të vijonte te skuadra e Kombinatit të Tekstileve, duke e mbyllur aty edhe aktivitetin e tij sportiv. Një familjar i përkryer, si një portier i shquar, tejet korrekt, i repektuar dhe i dashur nga lojtarë, tifozëri, miq, shokë, kështu do të kujtohet Ilir Elini, portieri i paharruar i 17 Nëntorit të viteve 60-70, foramacionit që ndryshoi historinë e futbollit shqiptar.

Ja çfarë deklaruan sot bashkëkohësit e tij:

Bujar Tafaj: Djalë i shkëlqyer, portier i mirë, pozicional. Më zëvendësoi mua kur ika ushtar.

Luigj Bytyçi: Në momentet më të mira të ngritjes së 17 Nëntorit lart, Ilir Elini ka qenë me ne!

Niko Xhaçka: Ka qenë djalë shumë shumë i mirë! Ka qenë kampion me të rinjtë dhe me ne në sezonin 1964-1965.

Ben Çela: E kam dashur dhe respektuar shumë!

ilir elini ish-portieri i tiranës