Sport 1 Qershor 2023, 16:12

Hetimi i UEFA-s gjen prova për rastin “Negreira”, organi më i lartë i futbollit kërkon përjashtimin e Barcelonës nga Kupat e Europës

Shkruar nga Pamfleti

Hetimi i UEFA-s gjen prova për rastin “Negreira”, organi

Barcelona mund të preket nga ‘rasti Negreira’ në Evropë. Dy inspektorë të UEFA-s arrijnë në përfundimin se klubi katalanas duhet të penalizohet për pagesat ndaj Zhoze Maria Enrikez Negreira, ish-zëvendës president i Komitetit Teknik të Gjyqtarëve Spanjollë, midis viteve 2001 dhe 2018, sipas raporteve të ABC.

Presidenti i organit më të lartë evropian, Aleksandër Ceferin, tani po debaton mes dy mënyrave të mundshme: të hapë një dosje dhe presë zgjidhjen e drejtësisë spanjolle, ose ta lërë Barcelonën jashtë Kupave të Evropës për një vit.

Barça i ka paguar gjithsej 7.3 milionë euro ish-drejtuesit të arbitrave spanjollë për raportet gjatë mandatit të Joan Gaspart dhe vazhdimin me Joan Laportën, Sandro Rosellin e Josep Maria Bartomeun. Presidenti aktual i blaugranave, Joan Laporta, ka dhënë shpjegime për anëtarët dhe klubet e La Ligës pas të gjitha informacioneve që janë shfaqur muajt e fundit:

“Pagesat janë pasqyruar në kontabilitetin e klubit. Ne ishim transparentë. Barça po vuan një fushatë gjigante shpifjesh, po na dëmtohet reputacioni për shkak të insinuatave të rreme që nuk kanë asnjë lidhje me realitetin”.

barcelona uefa