Shkruar nga Pamfleti
Janë mbyllur 90 minutat e dy ndeshjeve të para të Ligës së Konferencës. Fiorentina është kualifikuar në gjysmëfinale mes drithërimash.
Edhe pse në ndeshjen e parë fituan 4-1, dueli i kthimit rezultoi shumë i fortë për italianët. Miqtë zhbllokuan sfidën në minutën e 9 dhe në minutën e 65 dyfishuan shifrat.
Në minutën e 69 polakët e Leh Poznan realizuan edhe golin e tretë duke vënë në rrezik kualifikimin e Fiorentinës. Por festa e tyre zgjati shumë pak pasi italianët shënuan 2 gola, duke kaluar në gjysmëfinale me rezultatin e përgjithshëm 6-4.
Sfida tjetër mes AZ Alkmar dhe Anderleht ka përfunduar në kohën e rregullt me rezultatin 2-0 dhe shkon në shtesa, pasi të parën e fituan belgët me të njëjtin rezultat.
