Sport17 Mars 2023, 18:31

Lista e kombëtares nxit polemika, trajneri Silvinjo “injoron” Xhuliano Skukën, ish-sulmuesi i Partizanit u krahasua me Brojën

Shkruar nga Pamfleti

Lista e kombëtares nxit polemika, trajneri Silvinjo “injoron”

Lista e Kombëtares e publikuar sot nga trajneri Silvinjo ka nxitur polemika në vend. Ka nga ata që e kanë përgëzuar për zgjedhjet e bëra, ndërsa të tjerë që janë skeptikë për futbollistët që mungojnë. Një ndër ta është Xhuliano Skuka.

Sulmuesi dibran u ftua nga Edi Reja për miqësoret me kuqezinjtë, ku edhe arriti të shënojë. Megjithatë transferimi në Francë duket se i ka prishur punë shtatlartit. Në listën e radhës të publikuar nga trajneri brazilian, mungon pikërisht emri i Skukës. Një sulmues “race” që mund t’i përshtatej skemës 4-2-3-1.

Mirëpo këtë herë ai e ka parë të udhës mos ta ftojë. Gjatë periudhës që ishte te Partizani, Skukën e krahasuan për nga fiziku me Armando Brojën, si dhe potencën e treguar në fazën ofensive. Me mungesën e sulmuesit të Çelsit për shkak dëmtimi, pritej një ftesë për Skukën.

xhuliano skuka silvinjo trajneri i kombëtares shqiptare