Premier Liga vazhdon të dhurojë spektakël dhe emocione edhe në javët e fundit.
Mançester Siti arriti një tjetër fitore të madhe në garën për titull, kësaj radhe duke mundur me rezultatin 2-1 Lidsin. “Qytetarët” gjetën dy herë golin me Gyndogan, i cili gjithashtu humbi një penallti për të shënuar një tripletë personale, por në fund miqtë shënuan golin e vetëm të tyre, që shërbeu vetëm për statistikë.
Ekipi i Guardiolës kryeson kampionatin me 82 pikë, 4 pikë më shumë se Arsenali.
Çelsi duket se me në fund u rikthye te fitorja duke mundur në transfertë Bërnmuthin me rezultatin 1-3 dhe zyrtarisht “Blutë” i shpëtuan rënies nga kategoria, edhe pse dukej e pamundur.
Një fitorje e vuajtur që erdhi në fund të takimit falë golave të Badiashil dhe Zhoao Feliks.
Gjen përsëri buzëqeshjen edhe Totenhemi. “Spërsat” mundën 1-0 Kristal Palas dhe u kthyen te fitorja në kampionat pas 3 humbjeve dhe një barazimi të marrë në katër takimet e mëparshme.
Ndeshja u vendos nga goli i Herri Kejn në fundin e pjesës së parë. Ky ishte goli i 209 për sulmuesin anlgez, i cili ka parakaluar Runin dhe është bërë golashënuesi i dytë më i mirë në historinë e Premier Ligës.
Gjithashtu ai është bërë edhe lojtari i parë që shënon 10 gola me kokë në një sezon të vetëm të kampionatit anglez.