FLASH
Shkruar nga Pamfleti
Vllaznia dhe Dinamo janë duke u përballur në stadiumin “Loro Boriçi”, në kuadër të javës së 29-të të kampionatit “Abissnet Superiore”. Takimi ka nisur në orën 18:00 dhe ka tërhequr një numër të konsiderueshëm tifozësh në shkallët e stadiumit.
Mes të pranishmëve është vënë re edhe mbrojtësi i Kombëtares shqiptare, Mario Mitaj, i cili ishte ulur pranë presidentit të Vllaznisë, Alban Xhaferi. Prania e tij ka tërhequr vëmendjen e tifozëve dhe mediave sportive.
Mario Mitaj është aktualisht i grumbulluar me përfaqësuesen shqiptare për sfidën e radhës ndaj Polonisë, pas ftesës së marrë nga trajneri Silvinjo. Gjatë qendrimit në Shqipëri, ai ka zgjedhur të ndjekë nga afër edhe ndeshjet e kampionatit vendas, duke mbështetur ekipin shkodran nga tribunat.
Lini një Përgjigje