FLASH
Shkruar nga Pamfleti
Xhanluka Roki, një figurë e njohur në futbollin italian dhe ish-dizejnator i gjyqtarëve për Serinë A dhe Serinë B, është vënë nën hetim nga Zyra e Prokurorit të Milanos për bashkëpunim në mashtrime sportive. Çështja ka tërhequr vëmendje të gjerë për shkak të profilit të lartë të Rokit dhe rolit të tij në sistemin e arbitrimit në Itali.
Avokati i tij, Antonio D’Avirro, ka reaguar publikisht, duke kundërshtuar akuzat dhe duke theksuar gjendjen psikologjike të klientit të tij.
Sipas D’Avirros, Roki e konsideron veten të pafajshëm dhe të dëmtuar nga situata:
“E kam takuar, është i demoralizuar sepse e konsideron veten viktimë të një padrejtësie. Ai beson se këto akuza janë të pabazuara.”
Avokati shton se Roki ka vepruar gjithmonë në përputhje me rregullat:
“Është sjellë gjithmonë me korrektësi dhe transparencë, ndaj e shqetëson fakti që i atribuohet një akuzë kaq e rëndë.”
Mbrojtja po përgatitet për hapat e ardhshëm ligjorë, ndërsa Roki pritet të dëgjohet nga prokurori Mauricio Asçione:
“Nuk e di nëse do të kthehet, por do të dimë të mbrohemi mirë. Po vlerësojmë çfarë hapash ligjorë do të ndërmarrim përpara të enjtes.”
Krahasimi me “Calciopoli”
D’Avirro ka refuzuar çdo paralelizëm me skandalin e njohur “Calciopoli”, duke theksuar dallimet në shkallë dhe përfshirje:
“Kjo është një gjë tjetër. Këtu flitet për 2-3 persona të përfshirë, ndërsa atëherë ishin qindra persona dhe rreth dhjetë klube.”
Lini një Përgjigje