FLASH
Shkruar nga Pamfleti
Jasir Asani ishte një nga figurat kryesore në ndeshjen e sotme të Esteghlalit në kampionatin iranian. Sulmuesi i Kombëtares shqiptare dha asistin që zhbllokoi takimin ndaj Fajr Sepasi, në minutën e 22-të të sfidës.
Aksioni i golit nisi nga një tentativë e Asanit për të goditur drejt portës. Topi u devijua në zonën kundërshtare dhe përfundoi te Saharkhizan, i cili nuk gaboi, duke e dërguar në rrjetë për epërsinë e Esteghlalit.
Takimi ishte i vlefshëm për javën e 23-të të kampionatit në Iran. Esteghlal vjen pas një periudhe jo të qëndrueshme në rezultate, çka çoi edhe në ndryshime në pankinë. Së fundmi, klubi shkarkoi trajnerin dhe emëroi Sohrab Bakhtiarizadeh, i cili drejtoi sot ndeshjen e tij të parë në krye të skuadrës.
Kontributi i Asanit merr rëndësi të veçantë në këtë moment për ekipin, që synon rikthimin te rezultatet pozitive.
Me asistin e sotëm, Asani shkon në kuotën e katër asisteve këtë sezon. Ai ka realizuar gjithashtu 13 gola në kampionat, duke qenë një nga lojtarët më produktivë të skuadrës.
Lini një Përgjigje