FLASH
Shkruar nga Pamfleti
Shqipëria U-19 është mundur me rezultatin 4-1 në miqësoren e parë ndaj bashkëmoshatarëve të Italisë, me të cilët do të ndeshet përsëri të enjten në Novara.
Kuqezinjtë e drejtuar nga Juljan Ahmataj, e nisën ndeshjen me një gol të shpejtë pasi gjetën rrjetën që në minutën e 5 të sfidës me B. Krasniqin me gjuajtjen e parë në portë. Por brenda pak minutash situata ndryshoi plotësisht, pasi me dy goditje këndi radhazi, Pelini dhe Mafesoni përmbysën rezultatin për vendasit kur regjistrohej minuta e 14.
Artesani çoi shifrat në 3-1 në fundin e pjesës së parë, ndërsa në fillimin e të dytës Moskoni thelloi rezultatin për Italinë që dominoi plotësisht ndeshjen, duke i dhënë rrallëherë mundësinë kuqezinjve të dilnin para në kërkim të një tjetër goli. Kësisoj, sfida u mbyll me fitoren 4-1 të Italisë, ndërsa pritet të shihet se si do të paraqiten kuqezinjtë pas dy ditësh në takimin e radhës mes ekipeve.
Lini një Përgjigje