FLASH
Shkruar nga Pamfleti
Albion Ademi e ka nisur me gol aventurën e tij të re me Peng Sitin në Superligën kineze. Sulmuesi shqiptar realizoi që në minutën e pestë të ndeshjes së javës së parë të kampionatit, në transfertën ndaj Çengdu Rongçeng, duke zhbllokuar rezultatin për skuadrën e tij.
Megjithatë, avantazhi i hershëm nuk mjaftoi për ekipin e Ademit, i cili më pas u përmbys dhe u mposht me rezultatin e thellë 5-1 nga vendasit.
Ademi nuk arriti ta përfundojë ndeshjen, pasi u detyrua të largohej i dëmtuar pas përfundimit të pjesës së parë.
Sulmuesi shqiptar kujtohet edhe për përfshirjen e tij në Kombëtaren e Shqipërisë në vitin 2018, kur u ftua nga trajneri i atëhershëm Kristian Panuçi. Megjithatë, ai nuk arriti të debutonte, pasi qendroi në stol në dy sfidat ndaj Skocisë dhe Uellsit.
Në atë periudhë, 27-vjeçari vendosi të largohej nga Finlanda për të përfaqësuar Shqipërinë në arenën ndërkombëtare.
Në muajin dhjetor, emri i tij u përfol edhe për një transferim të mundshëm në Superligën shqiptare. Megjithatë, një lëvizje e tillë nuk u konkretizua dhe Ademi vazhdoi karrierën e tij në kampionatin kinez.
Lini një Përgjigje