FLASH

TAGS-AT E DITES

Alexander Van der Bellen

Na ndiqni edhe në
KONTAKT TE DHENAT PERSONALE COOKIES
Alexander Van der Bellen rizgjidhet presidenti i Austrisë me shumicë absolute votash - Bota

TAGS-AT E JAVËS

Bota10 Tetor 2022, 09:59

Alexander Van der Bellen rizgjidhet presidenti i Austrisë me shumicë absolute votash

Shkruar nga Pamfleti
Alexander Van der Bellen rizgjidhet presidenti i Austrisë me shumicë

Alexander Van der Bellen rizgjidhet presidenti i Austrisë me shumicë absolute votash

Në Austri ka fituar zgjedhjet presidenciale presidenti aktual Alexander Van der Bellen. Gjashtë bashkë-konkurruesit për postin më të lartë shtetëror kanë mbetur shumë pas me vota.

Sipas përllogaritjeve të Institutit SORA, për televizionin publik austriak ORF, 78-vjeçari Van der Bellen ka marrë mbi 78 për qind të votave. Kësisoj presidenti aktual i Austrisë rizgjidhet me shumicë absolute, që është e nevojshme në raudin e parë të presidencialeve për t’u zgjedhur. Tani nuk ka më nevojë për zgjedhje balotazhi.

Të gjithë kandidatët e tjerë për president kanë mbetur shumë pas Van der Bellenit me vota. Kandidati që renditet i dyti i partisë populiste të djathtë FPÖ, Walter Rosenkranz, ka marrë 18 për qind të votave. Ndërsa kandidatët e tjerë shënojnë kuota njëshifrore. Rezultati zyrtar pritet të shpallet gjatë së hënës (10.10), sepse pritet të numërohen edhe votat e dërguara me postë.

Detyra reprezentative

Presidenti në Austri ka kryesisht detyra të përfaqësimit të vendit dhe zgjidhet çdo gjashtë vjet. Asnjëherë më parë nuk ka pasur kaq shumë kandidatë për president si këtë herë. Krahas Van der Bellen ishin edhe gjashtë kandidatë të tjerë, katër prej të cilëve nga radhët e partive të kampit të djathtë dhe të gjithë burra.

Në Austri deri tani të gjithë presidentët, që kanë kandiduar për një mandat të dytë janë rizgjedhur. 78-vejçari Van der Bellen nuk sheh asnjë problem me moshën e tij të madhe. Ky post të jep forcë, tha ish-kryetari i partisë ekologjite të Austrisë gjatë votimit.

Partia konservatore ÖVP dhe ajo socialdemokrate hoqën dorë nga paraqitja e kandidatëve të tyre. Argumenti i tyre ishte, se në fushatën elektorale kundër presidentit aktual nuk do të kishin asnjë shans për të fituar dhe partitë preferonin më mirë t’i kursenin paratë e fushatës./DW/

Bota #president i Austrise #Van der Bellen

Bota