arben ndoka

25 Tetor 2018, 19:0819:08Aktualitet
“Shfryhet” operacioni i bujshëm, lirohen nga burgu dy ish deputetët socialistë Arben Çuko dhe Arben Ndoka - Aktualitet
Aktualitet15 Nëntor 2018, 14:07

“Shfryhet” operacioni i bujshëm, lirohen nga burgu dy ish deputetët socialistë Arben Çuko dhe Arben Ndoka

Shkruar nga Pamfleti
“Shfryhet” operacioni i bujshëm, lirohen nga burgu dy ish

"Shfryhet" operacioni i bujshëm, lirohen nga burgu dy ish deputetët socialistë Arben Çuko dhe Arben Ndoka

Ashtu siç “Pamfleti” paralajmëroi gjykata ka zbutur masën e sigurisë për dy ish deputetët socialist të arrestuar gjatë operacionit “Volvo 4”.  Gjykata e Apelit ka vendosur sot të ndryshojë masën e sigurisë nga arrest me burg në “arrest shtëpie”. Pas këtij vendimi Arben Çuko dhe Arben Ndoka do të lënë qelinë.

Avokati i Çukos, tha se nuk ka prova që ai të ketë marrë para për transferimin e një të burgosuri, ndërsa, avokati i Ndokës u shpreh se nuk ka asnjë firmë të hedhur nga ai për të përfituar toka në bregdetin e Lezhës. 

Ish-deputeti socialist Arben Ndoka, u arrestua nën akuzën e përfshirjes në një aktivitet kriminal që kishte si synim tjetërsimin e trojeve.

“Hetimi disa mujor ka mbledhur prova dhe se ky grup kriminal dyshohet si i implikuar në abuzimet me troje shtetërore në zonën e Lezhës dhe Kurbinit, përmes falsifikimit të dokumenteve e vulave etj. Në mars 2018, Policia e Lezhës hetoi një grup kriminal që dyshohej se ishte lidhur me abuzimet toka e troje në zonën e Shëngjinit dhe ndaloi 12 persona, mes tyre edhe Kryetari i Bashkisë Lezhë, ndërsa 11 u shpallën në kërkim. Ata në bashkëpunim me njëri-tjetrin akuzohen se kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, Lezhë. Megjithë provat e forta të paraqitura nga Policia dhe Prokuroria, Gjykata e Shkallës së Parë Lezhë dhe Gjykata e Apelit Shkodër, ndryshuan masat për një numër të konsiderueshëm shtetasish, mes tyre edhe Kryetari i Bashkisë Lezhë, si dhe 2 shtetas të ri-shpallur në kërkim”, thuhej në njoftimin e policisë.

Arben Ndoka, një ish-funksionar nën qeverisjen e demokratëve, doli deputet nga lista e PS-së në zgjedhjet e 2013. Por shpejt, ai do akuzohej nga opozita si një element me të kaluar kriminale në radhët e mazhorancës, duke e detyruar të japë dorëheqjen. 

Ndërsa ish-drejtori i përgjithshëm i burgjeve, Arben Çuko, u arrestua  pasi dyshohej se është i përfshirë në korrupsion pasiv, gjatë kohës që ushtronte detyrën.

Aktualitet