DEA amerikane bie në gjurmët e zyrtarëve shqiptarë që kanë pastruar para të pista deri në Afrikë, 80 raste nën hetim - Aktualitet
Aktualitet29 Mars 2018, 06:26

DEA amerikane bie në gjurmët e zyrtarëve shqiptarë që kanë pastruar para të pista deri në Afrikë, 80 raste nën hetim

Shkruar nga Pamfleti

DEA amerikane bie në gjurmët e zyrtarëve shqiptarë që kanë pastruar para të pista deri në Afrikë, 80 raste nën hetim

Zyrtarët shqiptarë të korruptuar dhe kontigjentë të botës së krimit, kanë nxjerrë me miliona euro jashtë vendit vitet e fundit.

 Sipas të dhënave të siguruara, gjatë vitit që lamë pas kjo drejtori ka kërkuar informacione në shtete të ndryshme të botës për rreth 80 raste.

DPPPP është njoftuar nga banka të nivelit të dytë dhe shoqëri transfertash për transferta parash në nivele të mëdha. Sipas burimeve të gazetës, pjesë e verifikimit janë politikanë, gjyqtarë dhe njerëz të botës së krimit.

DPPPP ka dërguar 80 letër-porosi, pasi dyshimet janë se paratë e pista po fshihen jashtë vendit, sidomos në Londër, Meksikë, vende të tjera të Amerikës së Jugut, por dhe në Afrikë. Bëhet fjalë për një numër shumë të madh parash që kanë dalë dhe kjo ka vënë në lëvizje DPPPP.

Sipas ligjit, çdo transfertë mbi 10 milionë lekë të vjetra duhet të verifikohet, por pranë kësaj drejtorie kanë mbërritur informacione për shuma disa herë më të mëdha. Po ashtu gazeta  “Sot” ka mësuar se Drejtoria e Pastrimit të Parave ka vënë në lëvizje dhe Shërbimin Informativ Kombëtar për disa raste të caktuara, kur ka dyshime që mund të ketë transferta parash dhe për të financuar terrorizmin.

Ndërkohë dikasteret që mbeten si burimi kryesor i pastrimit të parave janë: Bankat, Zyrat e Këmbimit Valutor, lojërat e fatit, kompanitë e ndërtimit dhe noterët. Për këto subjekte ka pasur inspektime të vazhdueshme nga Drejtoria e Pastrimit të Parave pasi ka dhe shumë raste që nuk raportojnë për para të dyshimta. Për këtë arsye mësohet se gjatë vitit 2017 ka pasur mjaft gjoba që janë vënë. Gazeta më herët e ka deklaruar se në lëvizje kohët e fundit janë vënë dhe partnerët ndërkombëtarë.

Pak ditë më parë ministri i Brendshëm, Fatmir Xhafaj ishte në SHBA dhe u dakordësua me DEA, që kjo fundit të asistojë në hetimin e parave të pista. Shumë shpejt amerikanët pritet të sjellin informacione mbi transferta të dyshimta apo investime jashtë vendit nga njerëz mjaft të pushtetshëm.

codramol
smile

Aktualitet 80 raste nën hetim DEA amerikane bie në gjurmët e zyrtarëve shqiptarë që kanë pastruar para të pista deri në Afrikë