Erkand Qerimaj

Erkand Qerimaj tërhiqet nga Europiani i Rumanisë, shkaku lidhet me gjunjët - Sport
Sport28 Mars 2018, 09:57

Erkand Qerimaj tërhiqet nga Europiani i Rumanisë, shkaku lidhet me gjunjët

Shkruar nga Pamfleti
Erkand Qerimaj tërhiqet nga Europiani i Rumanisë, shkaku lidhet me

Erkand Qerimaj tërhiqet nga Europiani i Rumanisë, shkaku lidhet me gjunjët

Ekipi kombëtar i peshëngritjes mori sot një lajm të keq, pasi është tërhequr nga garimi një prej shtangistëve më të mirë që kemi, Erkand Qerimaj. Shqipëria humbet kështu një kandidat potencial për kampion Europe. Peshëngritësi kuqezi, pas analizave të detajuara të kryera nga mjekë të specializuar, ka vendosur të braktisë këtë eveniment, pasi nuk është në gjendje fizike për të garuar. Mjekët në Rumani kanë evidentuar infeksion në tendinat e të dy gjunjëve, duke i ndaluar konkurrimin kampionit të Eeropës dhe medalistit në Kupën e Botës.

Sportisti ynë duhet të ngjitej në pedanë ditën e enjte, kur pritej një duel shqiptarësh me Godellin në peshën 77 kg. Ndërkohë, i pari kuqezi që garoi në këtë europian ishte Romario Avdijaj në peshën 62 kg. Ai u rendit i fundit në shkëputje dhe nuk u klasifikua në dygarësh për shkak të një dëmtimi që nuk e lejoi të vijonte konkurrimin. Avdijaj ngriti fillimisht në shkëputje 110 kg, më pas dështoi në tentativën e dytë dhe të tretë, duke u dëmtuar në gju dhe në dorë.

Në shtytje peshëngritësi kuqezi u tërhoq duke e pasur të pamundur të garonte. Sonte në mbrëmjë në pedanë do të ngjiten dy peshëngritës nga Shqipëria, nga të cilët pritet shumë. Briken Calja, që vjen nga një vend i 4-t në kampionatin botëror dhe Arbër Çerçizi nënkampion europe për moshat nën 23 vjeç do të synojnë medalje në kampionatin europian që po zhvillohet në Rumani. Shanset më të mëdha i ka pikërisht Briken Calja, i cili garpon në peshën trupore 69 kg. /Pamfleti.com

Sport