Kriza politike

14 Prill 2019, 10:5210:52Aktualitet

27 Shkurt 2019, 20:3720:37Aktualitet

25 Shkurt 2019, 17:4917:49Politike
Kriza politike, Pandeli Majko: Nuk pranoj të jem ndërmjetësues, kam shumë miq në opozitë, karrierën politike nuk e nisa n - Politike
Politike18 Mars 2019, 14:13

Kriza politike, Pandeli Majko: Nuk pranoj të jem ndërmjetësues, kam shumë miq në opozitë, karrierën politike nuk e nisa n

Shkruar nga Pamfleti
Kriza politike, Pandeli Majko: Nuk pranoj të jem ndërmjetësues,

Kriza politike, Pandeli Majko: Nuk pranoj të jem ndërmjetësues, kam shumë miq në opozitë, karrierën politike nuk e nisa në PS

Ministri për Diasporën, Pandeli Majko, beson se vetëm një marrëveshje mes maxhorancës dhe opozitës do ta zgjidhte situatën politike të krijuar në vend.

Për ish-Kryeministrin, vendimi i opozitës për djegien e mandateve dhe për t’u larguar nga Parlamenti ka qenë shumë radikal, ndaj edhe kërkon që situata të zgjidhet përmes një ndërmjetësimi dypalësh.

Në një intervistë të dhënë për median maqedonase “Almakos”, ministri i qeverisë Rama beson se nëse nuk do të ketë një marrëveshje, atëherë do të jenë ndërkombëtarët që do t’u imponohen palëve për një zgjidhje përfundimtare.

“Padyshim që opozita ka zgjedhur një mënyrë shumë radikale për të krijuar ngjarje që të tërheqin vëmendjen e plotë mbi të. Sa do ia dalë, kjo është një pikëpyetje që rëndon më shumë mbi të se sa mbi maxhorancën. A do të kemi ndërmjetësim? Unë mendoj se po. Do të kemi ndërmjetësim. E mira do të ishte që kjo histori të mbyllej midis palëve. Por tani mendoj se kemi ardhur në një pikë që gjërat po vështirësohen, nuk po lehtësohen. Shqetësimi im është se do të vijnë ndërkombëtarët dhe do na thonë: Do bëni kështu dhe kaq”, deklaron Majko.

NDËRMJETËSIMI

Emri i ministrit të Diasporës është sugjeruar edhe nga eksponentë të lartë të opozitës si një kandidaturë konsensuale për Kryeministër apo edhe për të ndërmjetësuar mes palëve. Por pavarësisht kërkesës së opozitës, Majko mohon se do të bëjë ndërmjetësuesin mes palëve, pasi, sipas tij, edhe pozicioni që ka si përfaqësues i qeverisë e bën të jetë në konflikt interesi.

Majko sqaron se me shumë përfaqësues të opozitës ka mjaft marrëdhënie të mira, por gjithsesi kjo nuk e nxit atë të marrë rolin e ndërmjetësuesit. “Jo, jo, nuk do pranoj të jem unë ndërmjetësues mes palëve. Unë kam konflikt interesi sepse jam anëtar i qeverisë. A kam unë marrëdhënie miqësore me kolegët e mi të opozitës? Po, është e vërtetë që kam marrëdhënie mjaft të mira me ta. Unë karrierën politike e kam filluar jo në Partinë Socialiste direkt, por në Lëvizjen Studentore, duke qenë një nga drejtuesit e saj. Më pas, qëndrova i majtë, nisur edhe nga arsye familjare”, thekson ministri për Diasporën.

Politike Kriza politike Pandeli Majko