modelja argjentinase

Uanda Nara nuk i ndahet “vogëlushëve”, modelja argjentinase në lidhje me mesfushorin 24-vjeçar të Boka Zhuniors - Showbiz
Showbiz24 Shtator 2022, 16:40

Uanda Nara nuk i ndahet “vogëlushëve”, modelja argjentinase në lidhje me mesfushorin 24-vjeçar të Boka Zhuniors

Shkruar nga Pamfleti
Uanda Nara nuk i ndahet “vogëlushëve”, modelja

Uanda Nara nuk i ndahet “vogëlushëve”, modelja argjentinase në lidhje me mesfushorin 24-vjeçar të Boka Zhuniors

Ndarja e çiftit Mauro Ikardi dhe Uanda Nara ishte surpriza e kësaj jave, pasi martesa 9-vjeçare që solli në jetë edhe dy vajza ishte një nga historitë më kontraverse të dashurisë.

Futbollisti argjentinas i Gallatasarajit ia rrëmbeu seks-bombën 36-vjeçare ish-mikut të tij Maksi Lopez, duke krijuar një treshe vullkanike që përbente lajm në çdo grimcë të saj.

Por, Uanda duket të jetë e fiksuar pas futbollistëve dhe sidomos atyre që sapo i kanë kaluar të 20-at.

Ashtu siç bëri me Ikardin, në kohën kur sulmuesi luante për Sampdorian, bukuroshja bionde raportohet se ka nisur një aventurë me Martin Pajero, mesfushorin 24-vjeçar të Boka Zhuniors.

Gazetarja Pia Shou e bëri të ditur lajmin në programin televiziv LAM, ndërkohë që më parë aludohej se divorci me Ikardin do të vinte për shkak të flirtit të Uandas me këngëtarin argjentinas L-Gante.

“Ata kaluan një mbrëmje së bashku në Afrikë. Ata qeshën, pinë dhe kërcyen së bashku”, ka rrëfyer gazetarja.

Ndërkohë, Zhanina Latorre, një tjetër gazetare do të shprehej: “Për javë të tëra ka pasur një person, një njeri që nuk e njoh, i cili dëshiron të më shesë informacione për Uanda Narën dhe një tjetër futbollisti, por padyshim që unë nuk jam gati të paguaj”.

“L-Gante ishte gjithashtu i pranishëm në të njëjtën dhomë. Por Kenis Palasios, stilisti dhe miku më i mirë i Uandës, e bëri të qartë në Instagram se mes Narës dhe reperit nuk ka asnjë lidhje dashurie”, shtoi ajo.

Showbiz Martin Pajero modelja argjentinase Uanda Nara