FLASH

TAGS-AT E DITES

muhamet rrumbullaku

Na ndiqni edhe në
KONTAKT TE DHENAT PERSONALE COOKIES
'Pamfleti' e paralajmëroi me bindje! Rama shkarkon Gledis Nanon, burime: Muhamet Rrumbullaku në krye të Policisë së Shtetit - Aktualitet

TAGS-AT E JAVËS

Aktualitet31 Gusht 2022, 10:07

'Pamfleti' e paralajmëroi me bindje! Rama shkarkon Gledis Nanon, burime: Muhamet Rrumbullaku në krye të Policisë së Shtetit

Shkruar nga Pamfleti
'Pamfleti' e paralajmëroi me bindje! Rama shkarkon Gledis

'Pamfleti' e paralajmëroi me bindje! Rama shkarkon Gledis Nanon, burime: Muhamet Rrumbullaku në krye të Policisë së Shtetit

3 ditë më parë, ‘Pamfleti’ raportoi dorëheqjen e numrit 1 të Policisë së Shtetit Gledis Nano.

Referuar burimeve konfidenciale pranë ‘bluve’, ‘Pamfleti’ bëri me dije se Kryeministri Rama i kishte kërkuar Nanos të jepte dorëheqjen e ndërkohë të mos tregonte asgjë për këtë, derisa të mblidhej Qeveria sot.

Mirëpo, Policia e Shtetit dhe në vecanti i pari i saj, jo vetëm që e përgënjeshtroi lajmin, por tha me bindje se kjo nuk do të ndodhë kurrë.

Në këtë moment, mediat e besuan dhe nisën të raportonin të kundërtën e asaj që ‘Pamfleti’ i qëndroi me bindje.

Madje, pas mohimit nga Nano, ne raportuam se largimi është fakt, por po përdoret e njëjta skemë si me paraardhësin e tij Ardi Vleiu.

Pra, rezistenca e Nanos ishte ‘fake’ dhe skenari tashmë ishte fakt.

E në këtë kohë, e vumë theksin te ajo që po ndodh me Policinë e Shtetit, skenarë mafiozë e degradues për institucionin që ka në dorë jetën e qytetarit.

Gjatë këtyre 3 ditëve, shumë media aluduan se SHBA-të kanë ndërhyrë dhe e kanë frenuar Ramën të shkarkojë Nanon, pasi ky i fundit është njeriu i besuar i tyre.

Megjithatë, ‘Pamfleti’ nuk u tërhoq nga asnjë raportim i tij për këtë histori, derisa sot u publikua ajo që ne paralajmëruam.

Në mbledhjen e Qeverisë, Rama e shkarkoi Gledis Nanon, dhe mesa kuptohet ky i fundit nuk ka pranuar ta japë dorëheqjen, kështu që Rama ka vazhduar i vendosur me qëllimin e tij.

Motivi, Gledis Nano nuk ka përmbushur objektivët.

Në fakt, kjo është e vërtetë, pasi ka muaj që Nano as që shqetësohet për atë që ndodh në botën e krimit, pa harruar ngjarjen e Himarës, me skafin që i mori jetën vogëlushes. Nano nuk mori asnjë masë, kur në Korrik u shënuan disa raste të tilla, e përfunduan vetëm me lëndime.

Nga ngjarja në ngjarje, Gledis Nano ‘me pushime’.

Por kjo ka ndodhur pasi ai e ka ditur që Rama do ta shkarkonte, ndaj dhe ka qëndruar aq pasiv.

Çuci tha se me ikjen e Nanos, tani do luftojë ashpër krimin dhe Policia e Shtetit do lulëzojë.

Çfarë talljeje!

Si mund ta luftojnë këta krimin, me drejtues Policie që i ndërrojnë cdo 6 muaj, i riciklojnë vetëm me ndryshimin e zonës ku i degdisin, për të mos folur për ‘brumin’ që kanë të preferuarit e këtyre.

Megjithatë Nano ka pasur edhe një debat verbal me Ministrin epror Bled Çuci, pasi ka qenë kundër dhënies së dorëheqjes.

Jo pak e lidhin këtë lëvizje të Ramës, me afrimin e zgjedhjeve vendore, pasi tek Nano nuk ka parë një aleat për atë bashkëpunim tradicional që ai është mësuar të ketë sa herë ka gara elektorale.

Në deklaratën për mediat pas mbledhjes së Këshillit të Ministrave, Ministri i Brendshëm nuk e zbuloi emrin pasues, por tha se në këtë detyrë do të qëndrojë zv/drejtori i përgjithshëm i Poloicisë së Shtetit, Tonin Vocaj, deri në emërimin e të riut.

Megjithatë, ‘Pamfleti’ ka mësuar edhe zëvendësusin e Gledis Nanos, Muhamet Rrumbullaku, i cili, na bëjnë me dije se e ka pranuar detyrën e re.

Kryesore

Aktualitet