Aktualitet13 Shtator 2023, 16:27

"Hë pse s'të kanë vrarë akoma?!", Qori reagon pas deklaratës së avokatit të Rrajave: Logjikë perverse që shënon triumfin e gangsterëve

Shkruar nga Pamfleti

"Hë pse s'të kanë vrarë akoma?!", Qori reagon

Pas lehtësimit të akuzës nga prokuroria për fisin Rraja ndaj dhunës së ushtruar për  guroren në Borizanë ndaj fisit Maja, më 6 korrik,  avokati Saimir Vishaj, deklaroi për mediat se dhuna e ushtruar nuk ishte dhunë barbare, siç e cilësojnë.

Duke debatuar me njërin prej të dhunuarve, Jashar Maja, që u shpreh se dhe kushëriri i tij mund të kishin vdekur nga dhuna barbare e ushtruar ndaj tyre, Vishaj tha se nuk është viktimë siç pretendon, por kërkon vetëm të marrë dëmshpërblim dhe në fund iu drejtua:  “Ça të drejte kërkon ti, je gjallë, po të donin të vrisnin të kishin vrarë”.

Për këtë ngjarje ka reaguar sot, Arlind Qori, kryetar i “Lëvizja Bashkë”. Ai thotë se në Shqipëri po përhapet me të shpejtë një ide sa e rrezikshme, aq edhe disfatiste, e përmbledhur "për bukuri" nga avokati i farefisit të ish-deputetit të Partisë Socialiste Rrahman Raja: "Po të donin të të vrisnin, do ta kishin bërë." Kjo sipas tij lë të kuptohet se jeta jonë është e pavlerë dhe se e kemi atë falë mëshirës së gangsterëve. 

Në Shqipëri po përhapet me të shpejtë një ide sa e rrezikshme, aq edhe disfatiste, e përmbledhur "për bukuri" nga avokati i farefisit të ish-deputetit të Partisë Socialiste Rrahman Raja: "Po të donin të të vrisnin, do ta kishin bërë." Domethënë, përpara gangsterëve ti si qytetar je komplet i pafuqishëm, shteti është me brekë nëpër këmbë, në mos bashkëpunëtor i tyre.

Ndaj jetën e ke falë mëshirës së tyre. Madje fakti që s'të kanë vrarë akoma, të bën me faj ty si viktimë potenciale. "Hë pse s'të kanë vrarë akoma?! Pse nuk u ka lindur dëshira të të heqin qafe?! Mbase sepse nën rrogoz u shërben atyre?!" Kjo është logjika perverse që shënon triumfin e gangsterëve dhe padronëve të tyre politikë. Ty, viktimë e sotme ose e nesërme e drurit të tyre, duhet të të vijë turp që jeton akoma”, shkruan ai.

arlind qori rraja