arlind qori

Mbyllet protesta e qytetarëve për rritjen e çmimeve, Arlind Qori: Qeveria nuk mendon për sigurinë ushqimore dhe energjitike - Aktualitet
Aktualitet15 Qershor 2022, 19:42

Mbyllet protesta e qytetarëve për rritjen e çmimeve, Arlind Qori: Qeveria nuk mendon për sigurinë ushqimore dhe energjitike

Shkruar nga Pamfleti
Mbyllet protesta e qytetarëve për rritjen e çmimeve, Arlind

Mbyllet protesta e qytetarëve për rritjen e çmimeve. Ata protestuan për rreth 90 minuta para Kryeministrisë, ndërsa më pas u zhvendosën drejt Sheshit Skënderbej. Qytetarët kërkuan uljen e çmimit të karburantit dhe të produkteve.

Pjesë e protestës ishte dhe aktivisti Arlind Qori. Gjatë fjalës së tij, ai ka akuzuar klasën politike të 30 viteve se vetëm kanë vjedhur dhe nuk kanë menduar për qytetarët.

Shqipëria është në krizë sepse qeveria që kemi nuk ka menduar asnjëherë për  pavarësinë energjitike dhe për sigurinë ushqimore. Ne kemi një model ekonomik që bazohet tek vjedhja, grabitja dhe spekulimi. Në Shqipëri, mbillet kanabis dhe jo drith, hapen qendra tregtare dhe mbyllen fabrikat dhe uzinat. Domosdoshmërisht jemi në krizë. Shqipëria është në krizë sepse ata që na qeverisin ka një ide dhe motiv në jetë, si të vjedhin, si të grabisin dhe si të shfrytëzojnë burimet tona, natyrën tonë, jetën tonë. Shqipëria është në krizë sepse këta që na qeverisin dhe na kanë qeverisur në 30 vjet, mendojnë si të shkatërrojnë dhe dobësojnë sindikatat”, tha ai.

Aktualitet #Qori Protesta