FLASH
Shkruar nga Pamfleti
Gazetarja Klodiana Lala ka zbuluar se një deputete aktuale e Partisë Socialiste është vënë nën hetim nga SPAK.
Lala nuk tregoi emrin, por theksoi se deputetja është marrë në pyetje nga Prokuroria e Posaçme disa kohë më parë, dhe se shumë shpejt mund të ketë rezultate konkrete lidhur me këtë çështje.
Ajo u shpreh se ligjvënësja socialiste ende nuk është vënë zyrtarisht nën akuzë nga Prokuroria e Posaçme, por shtoi se është regjistruar vepra penale dhe se hetimet po kryhen në mënyrë të thelluar.
“Një deputete aktuale e PS është në hetim. Është pyetur disa kohë më parë në SPAK, është duke u hetuar dhe besoj se shumë shpejt çështja do të ketë rezultate konkrete.
Emri i saj është regjistruar si person në hetim por është regjistruar vepra penale dhe është duke kryer hetim i thelluar në raport me të dhe personat e lidhur. Po vijon çështja me intensitet. Po ashtu priten rezultate shumë konkrete për dosjen e AKSHI-t.“, u shpreh gazetarja për emisionin “Kjo Javë”.
Lini një Përgjigje