FLASH
Shkruar nga PamfletiJu ftojmë të ndiqni Edicionin Informativ me zhvillimet kryesore, ku ndër të tjera veçojme:
Në Shqipëri, protesta kundër projektit në Zvërnec po vijon të ushtrojë presion politik, ndërsa kryeministri ka reaguar herët në mëngjes duke e lidhur debatin edhe me narrativat për “armiq të jashtëm”, sipas disa mediave greke.
Paralelisht, zhvillimet ekonomike përfshijnë interesin e ri të investitorëve ndërkombëtarë në Greqi, ku Donald Trump Jr. ka vlerësuar sektorët e turizmit dhe pasurive të paluajtshme si shumë premtues, ndonëse pa plane konkrete investimi.
Në Tiranë, në GJKKO vijon çështja e “Partizanit”, ku ish-zyrtarë të qeverisë së Berishës po dëshmojnë për privatizimin e kompleksit, një dosje që lidhet me akuza për përfitime miliona euro.
Në Kosovë, zgjedhjet nuk kanë sjellë zgjidhje politike: Vetëvendosje mbetet e para, por pa shumicë, ndërsa LDK kushtëzon bashkëpunimet politike me çështjen e presidentit.
Në arenën ndërkombëtare, Evropa dhe Ukraina i kanë bërë thirrje Rusisë për armëpushim dhe negociata me pesë kushte për paqe, ndërsa tensionet në Lindjen e Mesme vazhdojnë pas raketave mes Iranit dhe Izraelit dhe deklaratave të ashpra të Donald Trump.
Në Filipine, një tërmet i fuqishëm 7.8 ballë ka shkaktuar viktima, dëme të mëdha dhe alarm për cunami në gjithë rajonin e Paqësorit.
Lini një Përgjigje