FLASH
Shkruar nga Pamfleti
I dërguari special i Donald Trump për Lindjen e Mesme, Steve Witkoff, dhe Jared Kushner, dhëndri i presidentit amerikan, vizituan të shtunën në mëngjes aeroplanmbajtësen amerikane USS Abraham Lincoln, menjëherë pas përfundimit të bisedimeve me Iranin. Lajmi u konfirmua nga një zyrtar i lartë amerikan dhe dy burime për CNN.
Sipas të njëjtit zyrtar, vizita u bë me ftesë të komandantit të Komandës Qendrore të SHBA-së (CENTCOM), admiralit Brad Cooper, si shenjë vlerësimi për personelin ushtarak amerikan që shërben në rajon. USS Abraham Lincoln është pjesë e grupit goditës Lincoln Carrier Strike Group.
CNN thekson se prania e Kushnerit dhe Witkoffit në aeroplanmbajtëse synon të përcjellë mesazhin se, edhe pse Uashingtoni ka rifilluar kontaktet diplomatike me Teheranin, administrata Trump vazhdon të mbajë një prani të fuqishme ushtarake në Lindjen e Mesme.
Forcat amerikane në rajon janë përforcuar javët e fundit, në një periudhë kur presidenti Trump po shqyrtonte skenarë të mundshëm për veprim ushtarak kundër Iranit, pa marrë ende një vendim për zbatimin e tyre.
Vizita u zhvillua një ditë pasi Trump deklaroi se Shtetet e Bashkuara kishin zhvilluar “bisedime shumë të mira” me Iranin, pas negociatave të tërthorta të mbajtura në Oman. Duke folur për gazetarët në bordin e Air Force One, ai tha se “Irani duket se dëshiron shumë të arrijë një marrëveshje”, duke shtuar se mbetet për t’u parë përmbajtja e saj.
Këto kontakte përbëjnë raundin e parë të bisedimeve mes Uashingtonit dhe Teheranit pas sulmeve të SHBA-së dhe Izraelit ndaj Iranit verën e kaluar. Sipas një burimi rajonal, autoritetet e Omanit dhe pala iraniane ishin informuar paraprakisht për vizitën në aeroplanmbajtëse.
Askush nuk është i çmëndur. Irani nuk mund të godas i pari bazat ushtarake amerikane . SHBA nuk mund të godasin i pari Iranin. Kush sulmon i pari, është agresori. Çështja do zgjidhet me marrëveshje dhe me lëshime reciproke. SHBA sipas meje do i diktojnë regjimeve teokratike vetpërmbajtje dhe arsye. Stabiliteti rajonal, global dhe interesat e SHBA , nuk mund ti nënshtrohen interesave parciale të regjimeve teokratike. Sipas fabulës:Luani është mbret i pyllit. Por kur Luani Tigri dhe Leopardi ndajnë përgjegjësitë kontrolli i pyllit dhe rregulli është më i sigurtë