FLASH
Shkruar nga Pamfleti
Roja bregdetare italiane shpëtoi rreth 600 emigrantë që ndodheshin në një varke peshkimi në Sicili. Operacioni u krye në juglindje të ishullit, në kushte të vështira atmosferike.
Më shumë se 100 prej të shpëtuarve janë nxjerrë tashmë në breg nga një anije e FRONTEX, Agjencia Europiane e Rojës Kufitare dhe Bregdetare. Organizata joqeveritare gjermane Sea-Watch vuri në dukje se ka vënë re disa varka me emigrantë në Mesdhe gjatë fundjavës.
Njëra prej tyre mbante 221 persona, të cilët u shpëtuan gjithashtu nga roja bregdetare italiane. Deri më tani nuk ka asnjë konfirmim zyrtar për operacionin specifik të shpëtimit.
Ministria e Brendshme e Italisë, tha se deri më tani kanë mbërritur 32,700 emigrantë krahasuar me rreth 7,900 në periudhën e njejtë në vitin 2022.
Qeveria e koalicionit të ekstremit të djathtë shpalli gjendjen e jashtëzakonshme javën e kaluar për shkak të rritjes së fluksit të migracionit në Mesdhe.
Lini një Përgjigje