FLASH
Shkruar nga Pamfleti
Pas disa javësh mungesë, Jasir Asani është rikthyer në Iran për t'iu bashkuar sërish skuadrës së Esteghlalit dhe për të nisur përgatitjet për sezonin e ri.
Futbollisti i Kombëtares shqiptare, i cili kaloi periudhën e pushimeve në Shqipëri, iu bashkua pjesës tjetër të ekipit në qendrën stërvitore, ku zhvilloi edhe seancën e parë nën drejtimin e stafit teknik.
Rikthimi i Asanit u pasqyrua edhe në rrjetet sociale, ku si vetë lojtari ashtu edhe klubi iranian publikuan foto dhe video nga mbërritja e skuadrës në qendrën stërvitore, si dhe nga seancat e para të stërvitjes.
Përmes një postimi në Instagram, Asani shprehu entuziazmin për rikthimin në Iran dhe rifillimin e punës me Esteghlalin.
“Pas një kohe të gjatë, u ktheva në Iran. I lumtur që po stërvitem sërish me Esteghlal. Është një ndjesi speciale ky rikthim në një vend të mbushur me kujtime shumë të bukura”, shkroi Asani.
View this post on Instagram
Lini një Përgjigje