FLASH
Shkruar nga Pamfleti
Edhe pse më herët ishte shprehur publikisht se Kupa e Botës e ardhshme do të ishte e fundit në karrierën e tij me kombëtaren, Kristiano Ronaldo duket se ka rishikuar planet.
Sipas raportimeve, emërimi i Zhorge Zhesus në krye të stolit të Portugalisë i ka dhënë më shumë besim sulmuesit portugez, i cili tashmë po mendon seriozisht mundësinë për të qenë pjesë edhe e Botërorit 2030.
Ky skenar do të ishte i jashtëzakonshëm, pasi turneu i vitit 2030 do të zhvillohet në Portugali, Spanjë dhe Marok, duke i dhënë Ronaldos një motivim shtesë për të vazhduar karrierën në nivelin më të lartë.
Megjithatë, sfida mbetet e madhe. Në vitin 2030, Kristiano Ronaldo do të jetë 45 vjeç dhe mbetet për t'u parë nëse do të arrijë të ruajë formën fizike dhe nivelin e nevojshëm për të dhënë një kontribut të rëndësishëm për kombëtaren portugeze.
Pavarësisht moshës, Ronaldo ka dëshmuar ndër vite se është një sportist i jashtëzakonshëm, ndaj nuk përjashtohet mundësia që ai të synojë një tjetër rekord në karrierën e tij të pasur.
Lini një Përgjigje