FLASH
Shkruar nga Pamfleti
Tifozët e futbollit në mbarë botën po shpresojnë të shohin një nga përballjet më të mëdha në historinë e sportit: Lionel Mesi kundër Kristiano Ronaldos në Kupën e Botës.
Ky turne mund të përfaqësojë mundësinë e fundit që dy legjendat e futbollit modern të ndeshen mes tyre në skenën më prestigjioze të futbollit ndërkombëtar. Megjithatë, realizimi i këtij skenari varet nga ecuria e Argjentinës dhe Portugalisë në fazën e grupeve.
Sipas formatit të turneut dhe skemës së ndeshjeve, Argjentina dhe Portugalia mund të përballen në çerekfinale vetëm nëse të dyja kombëtaret i mbyllin grupet e tyre në vendin e parë. Çdo rezultat tjetër do të ndryshonte rrugëtimin e skuadrave në fazën me eliminim direkt, duke e bërë të pamundur këtë duel të shumëpritur.
Në rast se Portugalia ose Argjentina nuk arrijnë të fitojnë grupin respektiv, por kualifikohen në pozita të tjera, ato do të pozicionoheshin në anë të ndryshme të tabelës së turneut. Kjo do të eliminonte mundësinë e një përballjeje mes Mesit dhe Ronaldos në çerekfinale.
Për këtë arsye, ndeshjet e fazës së grupeve marrin një rëndësi të veçantë jo vetëm për objektivat e dy kombëtareve, por edhe për miliona tifozë që ëndërrojnë të shohin për herë të fundit dy prej futbollistëve më të mëdhenj të të gjitha kohërave përballë njëri-tjetrit në një Kupë Bote.
Tashmë, vëmendja është e përqendruar te rezultatet e para të Argjentinës dhe Portugalisë, të cilat do të përcaktojnë nëse ëndrra e një dueli historik mes Mesit dhe Ronaldos do të mbetet gjallë apo do të shuhet që në fazën e grupeve.
Lini një Përgjigje