FLASH
Shkruar nga Pamfleti
Gjykata e Lartë ka vendosur të rrëzojë vendimin e dhënë nga Gjykata e Posaçme e Apelit për Korrupsionin dhe Krimin e Organizuar, në lidhje me çështjen kundër Bashkim Dedjas, ish-Kryetar i Gjykatës Kushtetuese.
Me vendimin e saj, Gjykata e Lartë urdhëroi që çështja të rikthehej për rigjykim në Gjykatën e Posaçme të Apelit, por me një trup gjykues të ndryshëm nga ai që e kishte shqyrtuar më parë çështjen.
SPAK kishte kërkuar një vit burg për akuzat e fshehjes së pasurisë, por GJKKO e dënoi me 6 muaj burg, të cilët iu konvertuan në një vit lirim me kusht.
Sipas SPAK, Bashkim Dedja fshehu një apartament në formularin e tij të vetëdeklarimit ndërsa ishte gjyqtari i parë që u ndëshkua nga GJKKO, pasi nuk arriti të kalonte Vettingun.
Ish-anëtari i Gjykatës Kushtetuese u shkarkua nga Vettingu për shkak se nuk justifikoi një apartament në Durrës dhe në prill 2021, gjykata urdhëroi sekuestrimin e tij.
Lini një Përgjigje