FLASH
Shkruar nga Pamfleti
Një aksident i rëndë ka ndodhur pasditen e sotme në aksin rrugor Peqin-Elbasan, pranë fshatit Karinë.
Sipas informacioneve paraprake, raportohet se në aksident janë përfshirë tre automjete, ndërsa si pasojë kanë mbetur të plagosur 5 persona.
Bëhet me dije se, tre prej të plagosurve janë transportuar me urgjencë në Spitalin Rajonal të Elbasanit, ndërsa dy të tjerë janë dërguar për trajtim mjekësor në spitalet e Durrësit.
Në vendin e ngjarjes kanë mbërritur menjëherë shërbimet e policisë dhe ekipet e emergjencës, të cilat kanë ndërhyrë për t'u dhënë ndihmën e parë të plagosurve dhe për të normalizuar qarkullimin.
Grupi hetimor po punon për të zbardhur rrethanat dhe shkaqet që çuan në këtë aksident.
Lini një Përgjigje