Kronike 9 Dhjetor 2023, 12:09

Aksidenti me 6 të plagosur në aksin “Librazhd-Elbasan”, arrestohet njëri prej shoferëve

Shkruar nga Pamfleti

Aksidenti me 6 të plagosur në aksin “Librazhd-Elbasan”,

Policia ka arrestuar drejtuesin e mjetit, 67-vjeçar që shkaktoi aksidentin e djeshëm në aksin “Librazhd-Elbasan”, ku makina me të cilën udhëtonte u përplas me një tjetër, që drejtohej nga një 39-vjeçar.

Aksidenti ndodhi në fshatin Xibrakë.

Si pasojë, u plagos 67-vjeçari dhe katër pasagjerët që po udhëtonin me të si edhe një 11-vjeçare që ndodhej në automjetin me të cilin po lëvizte 39-vjeçari, të cilët ndodhen jashtë rrezikut për jetën.

“Në aksin rrugor “Elbasan-Librazhd”, në fshatin Xibrakë, automjeti me drejtues shtetasin V. Ç., 67 vjeç, është përplasur me automjetin me drejtues shtetasin A. A., 39 vjeç.

Si pasojë e aksidentit janë dëmtuar shtetasi V. Ç. dhe 4 pasagjerë që udhëtonin me të dhe, si dhe një 11-vjeçare që udhëtonte në automjetin me drejtues shtetasin A. A.

Të dëmtuarit ndodhen në kujdesin e mjekëve, jashtë rrezikut për jetën.

Grupi hetimor po punon për sqarimin e rrethanave të aksidentit”, njoftoi policia.

 

 

aksident arrestim