FLASH
Shkruar nga Pamfleti
Pas shkarkimit të dy zyrtarëve të burgut të Drenovës, janë emëruar dy drejtues të rinj në këtë burg.
Gazetarja Anila Hoxha raporton se dy drejtuesit e rinj në këtë burg kanë emëruar pasi Laert Haxhiut i burgosuri i sigurisë së lartë iu gjet telefon.
Sipas saj, ministri i drejtësisë Ulsi Manja ka emëruar si drejtor në këtë burg Lorent Nakon. Ndërkohë, shef i policisë së burgut Drenovë është emëruar Artan Kocibelli.
Shkak për largimin nga detyra të dy zyrtarëve Fatjon Fasho dhe Sokol Kacoli u bë sekuestrimi i një telefoni në qelinë e Laert Haxhiu, një i burgosur i sigurisë së lartë dhe i konsideruar me rrezikshmëri.
Për sekuestrimin e telefonit, SPAK po kryen hetime duke këqyrur jo vetëm aparatin, por edhe duke bashkëvepruar me autoritete të tjera, pasi ka dyshime që bisedat e të fortit të Lushnjës janë sinjalizuar nga përgjimet që po mbahen për një çështje tjetër nën zhvillim e sipër.
Laert Haxhiu konsiderohet si kreu i një grupi kriminal me anëtarë që kryen së paku 17 ngjarje dhe krime që u urdhëruan në vite në ndryshme në Shqipëri. Por ndërkohë hetimet duket se kanë indicie edhe për çështje të narkotrafikut, të pafinalizuara ende.
Haxhiu, i njohur ndryshe si rivali i Aldo Bares u ekstradua nga Greqia, ndërkohë që ndaj tij gjykata ka dhënë dënim të përjetshëm për atë që njihet si masakra e Lushnjës.
Lini një Përgjigje