FLASH
Shkruar nga Pamfleti
6 të rinj janë ndaluar nga policia pasi kanë kryer manovra të rrezikshme me makinë duke rrezikuar jetën e tyre dhe personave të tjerë në rrugë te 'Bulevardi i Ri' në Tiranë.
Uniformat blu raportojnë se garat me makina më pas të rinjtë i postonin në rrjetin sociale Tik-Tok.
Sakaq, policia bën me dije se automjetet janë sekuestruar dhe ndaj shoferëve u vendos masa administrative me vlerë 40 mijë lekë të rinj.
Njoftimi i policisë:
Në datën 09.04.2023, në rrjete sociale janë postuar disa video për automjete të ndryshme, drejtuesit e të cilëve kryenin manovra të rrezikshme duke u bërë rrezik për veten dhe përdoruesit e tjerë të rrugës, në rrugën "Bulevardi i Ri".
Falë punës intensive nga vëzhgimet në rrjetin social TikTok është bërë identifikimi dhe ndalimi drejtuesve të automjeteve, së bashku me mjetet përkatëse.
Për kundërvajtjet e kryera ndaj tyre u vendos masa administrative me vlerë 40 mijë lekë të rinj, referuar ligjit numër 8378 datë 22.07.1998 “Kodi Rrugor i Republikës së Shqipërisë i ndryshuar; neni 139 paragrafi 3.
Policia Rrugore e Tiranës apelon për të gjithë përdoruesit e rrugës që të respektojnë me rigorozitet rregullat e qarkullimit rrugor dhe fton qytetarët që të denoncojnë në numrin pa pagesë 112, çdo shkelje të rregullave të qarkullimit rrugor.
Lini një Përgjigje