FLASH
Shkruar nga Pamfleti
Një ngjarje tragjike ndodhi në Milano në Itali, ku një 24-vjeçar shqiptar nga Kosova humbi jetën në një aksident në punë.
Viktima është Endrit Ademi. Sipas mediave italiane, i riu ra nga një skelë mëngjesin e 6 Majit. Ai punonte për një kompani ndërtimi në Brescia.
Ademi jetonte në Itali prej 6 vitesh, kurse prindërit dhe një nga vëllezërit jetojnë në Kosovë. Ndërsa një vëlla tjetër jeton në Austri.
“Ai ishte një djalë i mirë, një mik i imi”, tha një bashkëatdhetar i Endritit, pas tragjedisë që ndodhi para syve të tij.
Sipas raportimeve fillestare, rreth orës 9:30 të ditës së sotme, i riu kosovar ka rënë nga një skelë. 24-vjeçari po kryente punime rutinore mirëmbajtjeje, në katin e tretë të një apartamenti.
Për arsye që janë ende të paqarta, ai rrëshqiti dhe ra nga afërsisht 12 metra lartësi, duke i shkaktuar vdekjen në vend. Prokuroria Publike e Milanos ka nisur hetimet për zbardhjen e ngjarjes, ndërsa trupi i pajetë do t’i nënshtrohet autopsisë dhe të gjitha kontrolleve të nevojshme për të verifikuar kushtet e sigurisë së punëtorit.
Lini një Përgjigje