FLASH
Shkruar nga Pamfleti
Policia dhe Ushtria e Ekuadorit ka shkatërruar një kartel kriminal pas një shkëmbimi zjarri në rrethim, duke liruar edhe 5 pengje, mes tyre 2 shqiptarë.
Lajmin e konfirmoi vetë Ushtria e Ekuadorit nëpërmjet llogarisë së saj në rrjetin social Facebook.
Operacioni u krye në zonën e Santa Elena, teksa janë sekuestruar një arsenal i tërë me armatime dhe u arrestuan 4 persona.
“Ushtria ekuadoriane, së bashku me institucione të tjera shtetërore, kreu një bastisje dhe bastisje në një pronë që ndodhet në sektorin e Rinconada dhe Ayampe, në provincën e Santa Elena, ku u pritën me të shtëna me armë zjarri. Gjatë përleshjes, një kriminel i dyshuar u qëllua. Pas kontrollit të zonës, u shpëtuan pesë persona të rrëmbyer, tre me kombësi ekuadoriane dhe dy shqiptarë. Në operacionin ushtarak u kapën katër persona”, thuhet në këtë njoftim.
Gjatë aksionit u sekuestruan edhe prova të ndryshme, si: 4 armë zjarri tip pistoletë; 74 predha të kalibrit 9 mm; 6 celularë.
I qëlluari, ende i paidentifikuar, dyshohet se i përkiste Grupit të Armatosur të Organizuar “Los Choneros”, por as emrat e pengjeve nuk u publikuan.
Sendet e konfiskuara dhe të sekuestruara i kaluan organeve kompetente për procedurat përkatëse ligjore.
Lini një Përgjigje