Politike 4 Mars 2024, 19:49

"Arreston bashkëpunëtorët dhe jo kokën e aferës", Berisha akuza Dumanit: Nuk guxon të prekë Amant Josifin, ortakun e Olsi Ramës

Shkruar nga Pamfleti

"Arreston bashkëpunëtorët dhe jo kokën e

Ish-kryeministri Berisha gjatë fjalimin të tij para mbështetësve ka folur lidhur me arrestimin në Dubai të bashkëpunëtorit të Amant Josifit, Merxhan Çeliku.

Berisha akuzon kreun e SPAK Altin Dumanin se nuk vepron as në këtë rast, pasi nuk guxon të prekë Josifin, i cili është ortaku i Olsi Ramën.

Pjesë nga fjala e Berishës:

Të dashur miq, sot në Dubai u arrestua një i quajtur Merxhan Çeliku.

A e dini se çfarë ishte Merxhani? Merxhani ishte menaxheri i callcenterit të Amant Josifit.

Dëgjoni tani drejtësinë e narkoshtetit, drejtësinë e Dumanit, të Edi Ramës në fakt.

Lëshohet urdhër-arresti për vartësin e Amant Josifit dhe nuk lëshohet kurrë urdhër-arresti për Amant Josifin.

Dumani sikur hetuesinë ta kishte pronë të tij private, sikur ta kishte trashëgimi nga i ati, thotë se Josifin e kemi lënë ta hetojnë spanjollët.

Çfarë karakteri i shpërfyturuar ky njeri? Çfarë turpi njerëzor ky njeri?

A mund të thuhet prokurori i një vendi që nuk hetoj njeriun që vodhi së paku 1.4 miliardë euro nga Tirana qytetarëve europianë?

A mund që ky, çfarë t’i thuash këtij, të arrestojë ndihmësin, të arrestojë Merxhanin, por të deklarojë se nuk do hetojë Josifin?

Po a e dini pse? Vetëm e vetëm pse Josifi është ortak me Olsi Ramën.

Vetëm e vetëm se Josifi ka vjedhur së bashku me Edi Ramën.

Shikoni miq pra ku jemi ne, në cilën situatë jemi ne.

Prandaj kjo thirret Rruga e Shpresës.

Ndaj 20 shkurti ishte dita e besimit.

Prandaj edhe sonte i bëjmë thirrje gjithë shqiptarëve, u bëj thirrje shqiptarëve në emigracion, përshëndes folësit këtu përfaqësues të emigracionit, të bashkohemi, të marrim fatin në duart tona me mosbindje civile.

Në betejë pa kthim, të shembim regjimin e krimit, kalbësirën e bazuar në vjedhjen e shqiptarëve

E bazuar në mashtrimin e shqiptarëve.

E bazuar në vendosjen e krimit në pushtet në çdo qelizë të administratës, në të gjitha degët e pushtetit.

Edhe njëherë, ju falënderoj shumë.

Fitore, fitore, fitore.