
Kreu i PS-së, Edi Rama, njëherazi edhe Kryeministër, do të jetë pasditen e së enjtes në Qarkun e Vlorës, aty ku do të mbyllë edhe fushatën elektorale.
Mitingu përmbyllës i fushatës do të zhvillohet në Lungomare, ndërsa pjesë e agjendës së kryeministrit është gjithashtu edhe një vizitë në fshatin Kuç të Labërisë, vizitë që ai e paralajmëroi edhe vetë gjatë një interviste.
Njësoj siç bëri 4 vite më parë në prag të zgjedhjeve, ku përllogariti numrin e mandateve që do të fitonte Partia Socialiste, edhe nesër Rama pritet të bëjë të njëjtën gjë.
Për qarkun Vlorë ambicia e PS-së është të fitojë 9 mandate nga 8 që ka aktualisht.
Lini një Përgjigje