Shkruar nga Pamfleti
Egnatia nuk ka të ndalur dhe padiskutim mund të quhet “Hirushja” e Superligës. Rrogozhinasit mposhtën me rezultatin e pastër 0-2 Vllazninë në “Loro Boriçi”.
Miqtë gjetën rrugën e rrjetës sapo nisi pjesa e dyta dhe më saktësisht në minutën e 48. Isgandarli i dha fitoren ekipit të Edlir Tetovës me një diagonale perfekte.
Në minutën e 17, faull i rëndë i Dragashit ndaj Spahiut, gjyqtari e ndëshkoi me kartonin e verdhë futbollisti i Vllaznisë. Më pas VAR-i sinjalizoi kryesorin që të rishihte pamjet dhe ndërroi mendje, duke treguar kartonin e kuq.
Në minutën e 90, Egnatia realizoi edhe golin e qetësisë. Stojanoviç humbi topin në mesfushë përballë Fernandos i cili më pas ia serviri atë Duamenës për të shënuar me portën bosh.
Me këtë fitore, Egnatia ruan vendin e parë me 13 pikë, ndërsa Vllaznia renditet në vendin e 4 me 8 pikë.
