FLASH
Shkruar nga Pamfleti
Situata te Interi nuk duket të jetë e qetë, pavarësisht se u shpallën kampionë të Seria A pak ditë më parë. Problemi janë financat. Kjo gjë është bërë e ditur nga vetë presidenti i Interit, Stiven Zhang i cili ka shkruar një letër për tifozët duke konfirmuar vështirësitë ekonomike për të rifinancuar kredinë që ka marrë në vitin 2021.
“Në harkun kohor të disa muajve që përkojnë me datën e skadencës së huazimit të “Oaktree” kemi bërë çdo tentativë për të gjetur një zgjidhje miqësore me partnerin tonë, duke i bërë ofertën për të cilin kishim rënë dakord për “Oaktree” për një rifinancim direkt të kredisë së tyre. Por sforcot tona deri tani kanë gjetur kërcënime ligjore dhe mungesë përfshirjeje në këtë çështje nga ana e “Oaktree”. E gjitha kjo është shumë stresuese dhe zhgënjyese dhe kjo sjellje është duke krijuar një situatë të rrezikshme për klubin dhe që mund të vërë realisht në risk stabilitetin për të ardhmen.
Në emër të Interit dhe në cilësinë e presidentit dua të siguroj të gjithë tifozët e Interit në të gjithë botën që do të bëjmë gjithçka për të mbrojtur ngjyrat tona dhe vlerat tona që kanë në themel qëndrueshmërinë. Do të impenjohemi për të gjetur një zgjidhje me paqe me “Oaktree” për të vazhduar rrugëtimin tonë të suksesit për Interin tonë të dashur”, shkruhet mes të tjerash në njoftimin zyrtar të publikuar nga Interi”, thuhej në letrën e presidentit të Interit.
Kompania Suning ka bërë çdo përpjekje për të mbajtur Interin përpara mbarimit të afatit për shlyerjen e kredisë, por duket se ka dështuar.
Bloomberg, përmes FCInterNews , raporton se pronarët e Nerazzurrëve u përpoqën paguanin një kredi nga një fond i ri në formën e PIMCO, por se afati kohor doli të ishte shumë i ngushtë.
Suning ende nuk ka hequr dorë nga kontrolli i Interit. Afati i borxhit që Oaktree u dha pronarëve Nerazzurri në pranverën e vitit 2021 përfundon sot.
Por ka një ditë shtesë për Suning. Kjo për shkak se sot është një festë publike në Luksembug, ku ndodhet kompania holding përmes së cilës ata zotërojnë aksionet e tyre në Inter.
Megjithatë, nëse Suning nuk depoziton shumën e plotë që i detyrohet Oaktree deri nesër, atëherë fondi me bazë në SHBA do të jetë në gjendje të fillojë të riposedojë aksionet e tyre kontrolluese në Inter.
Pse dështuan përpjekjet e Suning për të mbajtur Interin?
Suning ka qenë në dialog me Oaktree prej muajsh. Kjo ka qenë nëpërmjet ndërmjetësve pranë kompanisë kineze, Goldman Sachs dhe Raine Group. Fondi me bazë në SHBA ishte i gatshëm t'i ofronte Suning një zgjatje afatshkurtër.
Kjo do të ishte me qëllim që t'u jepej pronarëve të Interit pak më shumë kohë për të përfunduar shitjen e klubit. Megjithatë, Suning preferoi të kërkonte një fond tjetër për të rënë dakord për një hua afatgjatë për të rifinancuar borxhin e tyre ndaj Oaktree.
PIMCO doli si kandidat në këtë aspekt. Pati negociata mes Suning dhe atij fondi amerikan për një hua prej 435 milionë euro. Megjithatë, koha e kufizuar i bëri ato negociata të vështira.
Dhe sapo u bë e qartë se bisedimet nuk po bënin përparim të mjaftueshëm javën e kaluar, e gjithë ideja u rrëzua për shkak të faktit se një marrëveshje nuk mund të arrihej përpara afatit.
Lini një Përgjigje