FLASH
Shkruar nga Pamfleti
Trajneri i Flamurtarit, Françesko Moriero, nuk ka qenë i pranishëm në pankinë në dy ndeshjet e fundit të kampionatit “Abissnet Superiore”. Në drejtimin e skuadrës ka qenë Andi Ribaj, gjë që fillimisht nxiti aludime për një shkarkim të mundshëm të teknikut italian.
Megjithatë, sipas informacioneve të publikuara nga “Newsport.al”, mungesa e Morieros lidhet me probleme shëndetësore. Trajneri 56-vjeçar raportohet se vuan nga probleme me veshin e mesëm, të cilat i kanë shkaktuar edhe humbje të ekuilibrit.
Burimet bëjnë të ditur se nuk përjashtohet mundësia që Moriero të udhëtojë jashtë vendit për trajtim mjekësor.
Ndërkohë, Flamurtari vijon të kalojë një periudhë të vështirë sportive. Skuadra vlonjate, aktualisht nën drejtimin e Ribajt, renditet në vendin e fundit të tabelës me 21 pikë. Në ndeshjen e radhës, që do të zhvillohet të dielën, Flamurtari do të presë në shtëpi ekipin e Vllaznisë.
Lini një Përgjigje