FLASH
Shkruar nga Pamfleti
Mario Mitaj ishte një nga protagonistët e fitores bindëse të Al Ittihad ndaj Al Gharafa të Katarit, në ndeshjen e zhvilluar sot në kuadër të Ligës së Kampioneve të Azisë. Skuadra saudite triumfoi me rezultatin e thellë 7-0, duke siguruar kalimin në fazën tjetër të kompeticionit.
Mbrojtësi shqiptar vijon të jetë një pikë e qëndrueshme në formacionin e Al Ittihad, fakt që konfirmohet nga aktivizimi i rregullt si në kampionat, ashtu edhe në arenën ndërkombëtare. Edhe në këtë përballje, Mitaj u aktivizua titullar dhe luajti nga minuta e parë.
Atmosfera në stadium ishte elektrizuese, me tifozët e Al Ittihad që kishin përgatitur një koreografi të veçantë, ku spikaste mesazhi “Çliroje bishën”, si thirrje për një paraqitje maksimale të skuadrës. Reagimi në fushë ishte në përputhje me pritshmëritë.
Pavarësisht se përballë kishte një ekip me lojtarë me eksperiencë dhe emra të njohur si Joselu dhe Yacine Brahimi, Al Ittihad dominoi ndeshjen si në lojë, ashtu edhe në rezultat. Shtatë golat e shënuar vulosën një fitore të thellë dhe një kualifikim të sigurt për skuadrën saudite, duke konfirmuar formën e saj pozitive në këtë sezon.
???? - What a tifo earlier today from Al Ittihad on their ACLE match against Qatari side Al Gharafah!
— ThatAsianGuy (@ThatAsianGuyFT) February 10, 2026
Currently, Al Ittihad are giving the Qatari side BTA as they are leading 7-0!!! 7-0 I repeat! pic.twitter.com/qumZUprjd2
Lini një Përgjigje