FLASH
Shkruar nga Pamfleti
“Kujtimi më i mirë i 18 viteve të fundit, përqafimi juaj ka qenë si familje për mua. Ju faleminderit të gjithëve!” Kështu shkruhet në postimin e Igli Tares në Instagram. Lamtumira e drejtorit sportiv të Lacios tashmë është zyrtarizuar.
Gjithçka do të realizohet më 30 qershor, me kontratën e skaduar dhe jo më të rinovuar. Epoka e tij u mbyll me një drekë dje në Formelo. 18-vite te Lacio; fillimisht si futbollist, më pas si menaxher. Buzëqeshje, trofe, humbje dhe zhgënjime.
Udhëtimi ka qenë i gjatë. Rrugët tani ndahen, Igli do ta kërkojë fatin diku tjetër. Vështirë të shkëputet nga familja “Lacio”, por ai është gati për çdo aventurë.
Dhe plani i ri i menaxhimit sportiv tashmë po studiohet në Formelo. Me Lotiton dhe Sarrin, Fabiani dhe Kalveri me shumë gjasa do të jenë në tregun e transferimeve. Ristilimi i detyrave konsiderohet i përfunduar.
Lini një Përgjigje