FLASH
Shkruar nga Pamfleti
Një automjet luksoz tip “Maserati” ka marrë flakë pasditen e sotme pranë daljes së tunelit të Skërficës, në aksin rrugor Sarandë–Gjirokastër. Ngjarja ka shkaktuar panik tek drejtuesit e tjerë të mjeteve, por fatmirësisht nuk ka patur persona të lënduar.
Zjarrfikëset e Gjirokastrës kanë ndërhyrë menjëherë duke neutralizuar flakët, të cilat kishin përfshirë pjesën e përparme të makinës. Sipas burimeve zyrtare, zjarri u shua plotësisht dhe dëmet janë vetëm materiale, kryesisht në pjesën e motorit dhe të sistemit elektrik.
Policia ka nisur verifikimet për të përcaktuar shkaqet e kësaj ngjarjeje, ndërsa nuk përjashtohet asnjë pistë, përfshirë edhe një defekt teknik. Aksi ku ndodhi zjarri u bllokua për disa minuta, duke shkaktuar trafik të përkohshëm në hyrje-daljen e tunelit.
Lini një Përgjigje