Aktualitet11 Dhjetor 2023, 21:36

Inceneratori i Tiranës, Bushkolaj zbulon si përfitoi babai i Alqi Bllakos makinerinë mbi 100 mijë euro

Shkruar nga Pamfleti

Inceneratori i Tiranës, Bushkolaj zbulon si përfitoi babai i Alqi

Gazetari Elkier Bushkolaj ka zbuluar detaje lidhur me dosjen e SPAK për inceneratorin e Tiranës, ku rreth kësaj të fundit u lëshuan 15 urdhërarreste.

Bushkolaj u shpreh se për pjesën më të madhe të të akuzuarve rëndon akuza e shpërdorimit të detyrës, përveç Alqi Bllakos që akuzohet dhe për korrupsion ku një episod që lidhet me të zbulon se babai i tij mori një makineri në fabrikën e tij në Korçë me vlerë mbi 100 mijë euro.

Ai zbuloi më tej se në kompjuterin e Klodian Zotos janë gjendur komunikime me shumë zyrtarë, të cilët kanë thënë se autorizimin për komunikimet e ka dhënë Alqi Bllako.

Sipas tij nga hetimet e SPAK ka rezultuar se ka pasur një fryrje masive në kosto në ndërtimin e objektit të inceneratorit me vlerë rreth 25 milionë euro, por edhe në tarifën e caktuar për trajtimin e mbetjeve e cila ishte vendosur në 29 euro për ton.

Ai u shpreh se SPAK pretendon se kostoja për ton duhet të ishte të paktën 17 euro.

Për pjesën më të madhe është akuza e shpërdorimit të detyrës, përveç Alqi Bllakos që akuzohet edhe për korrupsion ku një episod që lidhet me të zbulon se babai i tij mori një makineri në fabrikën e tij në Korçë që u pagua nga ato para me vlerë mbi 100 mijë euro.

Në kompjuterin e Zotos janë gjendur komunikime me shumë zyrtarë, të cilët kanë thënë se autorizimin për komunikimet e ka dhënë Alqi Bllako.

Është përdorur një kompani e regjistruar në Holandë për koncesionin, në kundërshtim me ligjin. Vetëm në ditën kur u nënshkrua marrëveshja në 2017 mes Ministrisë së Mjedisit dhe kompanisë u bë regjistrimi i kompanisë në Shqipëri, e cila më vonë rezultoi se i përkiste Zotos.

Studimi i fizibilitetit është bërë nga Zoto dhe Mërtiri dhe kompanitë e tyre. Vetëm ndërtimi i objektit ka një fryrje në kosto prej 20-25 milionë eurosh. Sipas SPAK 25 milionë eurov vijnë vetëm nga jko tarifë. Tarifa finale 29 euro për ton është fryrë me të paktën 11 euro për ton sipas SPAK. SPAK pretendon se kostoja për ton duhet të ishte të paktën 17 euro.

Nga kompania janë investuar vetëm 30 milionë euro dhe aty nuk ka incenerim. Bëhet vetëm ndarja e mbetjeve. Fitimet priteshin të ishin marramendëse për shkak të bashkive që do çonin mbetjet aty. Fitim tjetër do kishte kompania nga shitja e energjisë elektrike, SPAK ngre akuzë edhe për fitim të munguar, këto janë për Zoton dhe Mërtirin”, u shpreh ai mes të tjerash në “News24”.

inceneratori i tiranës alqi bllako elkier bushkolaj