FLASH
Shkruar nga Pamfleti
KLP do të shpallë ditën e mërkurë vakancën për zëvendësuarin e Altin Dumanit në krye të Prokurorisë së Posaçme.
Mandatit të Altin Dumanit në krye të SPAK po i vjen fundi.
Këshilli i Lartë i Prokurorisë do të shpallë ditën e mërkurë vakancën për drejtuesin e ri të Prokurorisë së Posaçme.
KLP ka njoftuar se mbledhja do të organizohet në sallën e mbledhjeve në prezencë të Anëtarëve të Këshillit të Lartë të Prokurorisë, si dhe përfaqësuesve nga Prokurori i Përgjithshëm, Ministria e Drejtësisë, Projekti Eu4Justice dhe Programi OPDAT.
Kjo lëvizje vjen në një kohë kur BKH nuk ka akoma një drejtues.
Tani natyrshëm lind pyetja, kush do jetë pasardhësi që do marrë frerët e luftës kundër krimit dhe korrupsionit në vend. Emrat që diskutohen janë disa, por deri tani mbeten ‘top sekret’.
Kujtojmë që pak kohë më parë u diskutua mundësia që ti jepet mundësi Dumanit të futej në garë për të rimarrë drejtimin e SPAK. Por kjo mbeti vetëm një ide.
Altin Dumani u zgjodh në krye të SPAK, në dhjetor të vitit 2022. Mandati i tij 3-vjeçar përfundon në dhjetor të këtij viti.
Njoftimi zyrtar:
Informacion mbi mbledhjen:
Dita/Data: E Mërkurë, 17.09.2025
Ora: 10.00
Kohëzgjatja: ⸟ 90 minuta
Thirrur nga: Kryetari i Këshillit
Pjesëmarrësit: Anëtarët
Kuorumi i nevojshëm: 7 anëtarë
Kjo mbledhje do të organizohet në sallën e mbledhjeve në prezencë të Anëtarëve të Këshillit të Lartë të Prokurorisë, si dhe përfaqësuesve nga Prokurori i Përgjithshëm, Ministria e Drejtësisë, Projekti Eu4Justice dhe Programi OPDAT. Media është e ftuar të jetë e pranishme.
Rendi i ditës:
Miratimi i Procesverbalit të mbledhjes plenare të datës 04.09.2025;
Diskutimi/miratimi i Projekt-vendimit “Për shpalljen e vendit vakant për Drejtues të Prokurorisë së Posaçme kundër Korrupsionit dhe Krimit të Organizuar”;
Diskutimi/miratimi i “Projektraportit të Vlerësimit Etik dhe Profesional për prokurorin Françesk Ganaj”;
Diskutimi/miratimi i “Projektraportit të Vlerësimit Etik dhe Profesional për prokurorin Ermira Manelli”;
Diskutimi/miratimi i “Projektraportit të Vlerësimit Etik dhe Profesional për prokurorin Hysni Mulaj”.
Të tjera (pyetje/diskutime)
Sektori i TIK, Digjitalizimit dhe Statistikës bën publikimin e kësaj axhende në faqen zyrtare të internetit të Këshillit të Lartë të Prokurorisë.
Lini një Përgjigje