FLASH
Shkruar nga Pamfleti
Regjimi iranian ka publikuar një listë urash në Gjirin Persik dhe rajonin përreth, të cilat i konsideron objektiva të mundshëm për sulme hakmarrëse, pas bombardimit të një ure kryesore që lidh Teheranin me qytetin perëndimor të Karajit, ku sipas raportimeve kanë humbur jetën të paktën dy persona.
Agjencia gjysmëzyrtare iraniane Fars raportoi se disa ura strategjike në vendet e Gjirit dhe në Jordani mund të vihen në shënjestër nga Trupat e Gardës Revolucionare Islamike.
Iran just listed the King Fahd Causeway as a potential target. This is the only land link between Saudi Arabia and Bahrain. Bahrain is an island. It's also home to the US Navy's Fifth Fleet, which Iran already struck on February 28.
— The Hormuz Letter (@HormuzLetter) April 2, 2026
Hit this bridge and you cut off the most… pic.twitter.com/GLCzP7L5Hd
Sipas listës së publikuar, objektivat e mundshëm përfshijnë:
Urën Sheikh Jaber Al-Ahmad Al-Sabah në Kuvajt, me gjatësi 36 km, një nga urat detare më të mëdha në botë
Urën e Mbretit Fahd që lidh Arabinë Saudite me Bahreinin, me gjatësi 25 km
Urën Sheikh Zayed në Abu Dhabi, 842 metra e gjatë
Urën Al-Maqta në Abu Dhabi, 300 metra e gjatë
Urën King Hussein (Al-Nabi) në Jordani, 80 metra e gjatë
Urën Damiya (Adam) që lidh Jordaninë me Bregun Perëndimor, 120 metra e gjatë
Urën Sheikh Khalifa në Abu Dhabi, 1,400 metra e gjatë
Urën Jesser Abdoun në Aman, Jordani, 425 metra e gjatë
Në një reagim publik, presidenti i SHBA-së Donald Trump publikoi një video ku shfaqej ura e goditur në Iran, e përfshirë nga flakët dhe tymi i dendur. Ai deklaroi se “ura më e madhe në Iran po shembet dhe nuk do të përdoret më kurrë”, duke shtuar se sulme të tjera mund të pasojnë.
BURNING BRIDGES: President Trump shares video allegedly showing a prominent Iranian bridge destroyed by joint U.S.-Israeli strikes in the country:
— Fox News (@FoxNews) April 2, 2026
"The biggest bridge in Iran comes tumbling down, never to be used again— Much more to follow!" pic.twitter.com/XIEodZotos
Trump i bëri thirrje Iranit të arrijë një marrëveshje “para se të jetë tepër vonë”, duke paralajmëruar për pasoja të mëtejshme.
Nga ana tjetër, forcat izraelite kanë deklaruar se nuk kishin dijeni për sulmin ndaj urës.
Një ditë më vonë, presidenti amerikan paralajmëroi mundësinë e goditjes së termocentraleve iraniane, duke përsëritur thirrjen që Teherani të ndërmarrë hapa të menjëhershëm.
“Ushtria jonë, më e madhja dhe më e fuqishmja në botë, ende nuk ka filluar të godasë plotësisht objektivat në Iran. Më pas do të vijnë urat dhe pastaj termocentralet. Udhëheqja e regjimit e di çfarë duhet bërë dhe duhet të veprojë shpejt”, shkroi Trump në platformën e tij Truth Social.
Lini një Përgjigje