FLASH
Shkruar nga PamfletiJu ftojmë të ndiqni një bllok lajmesh me zhvillimet kryesore nga kronika e zezë, ku ndër të tjera veçojmë:
SPAK lejon avokatët ndërkombëtarë të Erion Veliajt ta takojnë në qeli, pas rreth 500 ditësh nga kërkesa e mbrojtjes. Takimi synon dokumentimin e pretendimeve për shkelje gjatë hetimeve të dosjes së tij.
SPAK ka marrë të pandehur ish-kryebashkiakun socialist të Divjakës, Fredi Kokoneshi, për shpërdorim detyre lidhur me procedurat e dhënies me qira të pronave për impiante fotovoltaike.
Shkarkohet drejtoresha e Postës Shqiptare në Durrës, Elisabeta Mataj, pas dyshimeve për parregullsi në administrimin e fondeve. Dëmi i dyshuar mund të arrijë rreth 3 milionë euro.
Në gjyqin për atentatin ndaj ish-prokurorit Arjan Ndoja, GJKKO pranon kërkesën për të dëgjuar si dëshmitar ish-deputetin Halit Valteri.
Hetimet për vrasjen e Renis Dobrës zgjaten me tre muaj, ndërsa SPAK kërkon përfundimin e ekspertimeve të telefonave dhe analizave të tjera.
Në Fushë-Krujë arrestohet Riza Miri, i dyshuar për plagosjen me thikë të një 22-vjeçari.
Vlorë, zjarr në lagjen “15 Tetori”; dyshohet zjarrvënie e qëllimshme pranë banesave.
Policia njofton 29 persona të arrestuar ose proceduar për zjarrvënie gjatë 45 ditëve të fundit.
Kthesë në gjyqin për vrasjen e 13-vjeçares Aurora Tila në Itali, ku ish-i dashuri pranoi autorësinë e krimit.
Hashim Thaçi kërkon lirimin me kusht nga Specialja në Hagë, duke ofruar garanci 50 mijë euro.
Në Greqi, dy të rinj u gjetën të vdekur në një makinë në garazh; dyshohet helmim nga gazrat e motorit.
Lini një Përgjigje