Kronike10 Dhjetor 2023, 07:26

Tentativa për grabitjen e çifit në Tiranë dhe përplasja me armë me policinë; shenjat që mund të tradhtojnë autorët

Shkruar nga Pamfleti

Tentativa për grabitjen e çifit në Tiranë dhe

Të veshur me uniformë policie dhe duke u prezantuar si punonjës të uniformave blu, 3 persona kanë tentuar të grabisin me armë zjarri banesën e një çiftit të moshuarish në fshatin Prush në Tiranë.

Kanë qenë fqinjët e çiftit të të moshuarve që kanë njoftuar policinë, e cila menjeherë ka mbërritur në vendngjarje duke mos i dhënë kohë grabitësve të finalizojnë planin e tyre.

Të vënë në këtë situatë dhe përballë forcave të shumta të policisë, 3 autorët kanë hapur zjarr në drejtim të uniformave blu, me këta të fundit që i janë kundërpërgjigjur po me armë zjarri.

Duke përfituar nga kjo situatë, grabitësit kanë arritur të largohen, por pa marrë asgjë nga banesa e çiftit të të moshuarve.

Burime pranë grupit hetimor bëjnë me dije se autorët janë larguar me një automjet tip Audi ngjyrë e bardhë.

Për identifikimin dhe kapjen e tyre policia ka ngritur pika të shumta kontrolli në hyrje daljet e kryeqytetit.

Shpresë për hetuesit janë kamerat në zonën ku ka ndodhur grabitja si dhe gjurmët që autorët mund të kenë lënë në banesën e çiftit të të moshuarve që dështuan ta grabisnin.

 

grabitja në tiranë përplasja me armë me policinë