FLASH
Shkruar nga Pamfleti
Ish-kryetari i degës së Partisë Demokratike në Kashar, Arsen Valisi, i ka kërkuar Belind Këlliçit që të japë dorëheqjen nga mandati i deputetit, duke e konsideruar atë përgjegjës për humbjet e PD-së në Tiranë.
"I bëj thirrje ‘ezmerit natyral’ drejtuesit të famshëm politik të Tiranës, jep dorëheqjen nga mandati i deputetit dhe mbaj përgjegjësi për rezultatin ashtu siç vendose veton për listën e Tiranës, përgjegjësia është e jotja dhe vetëm e jotja për humbjet e njëpasnjëshme në Tiranë!
Dhe të lutem mos na hap barkun duke thënë na vodhën, jep dorëheqjen bëhu burrë e mbaj përgjegjësi, demokratët nuk ta kanë borxh", shkruan ai.
Në qarkun e Tiranës janë numëruar deri tani 1121 nga 1282 qendra votimi, që përbën rreth 87.4% të totalit. Sipas rezultateve paraprake të publikuara nga KQZ, PS kryeson bindshëm me 177,831 vota ose 47.62%, duke mbajtur epërsinë në kryeqytet. Në vend të dytë renditet koalicioni Partia Demokratike – Aleanca për Shqipërinë e Madhe (PD-ASHM) me 132,003 vota, që përfaqësojnë 35.35% të votave.
Përtej këtij rezultati, shihet se PD ka pësuar një rënie në përqindje me 10.4% në krahasim me 2021. Ndërkohë, subjektet e tjera kanë marrë më pak se 2% të votave secila.
Më tej renditen:
Partia Mundësia me 18,463 vota (4.94%)
Partia Socialdemokrate (PSD) me 13,033 vota (3.49%)
Koalicioni Nisma Shqipëria Bëhet me 11,337 vota (3.04%)
Lëvizja Bashkë me 10,060 vota (2.69%)
Lini një Përgjigje