FLASH
Shkruar nga Pamfleti
OSBE/ODIHR në raportin përfundimtar mbi zgjedhjet e 11 majit ka evidentuar se mbyllja e TikTok me vendim qeverie në prag të nisjes së fushatës elektorale ka pasur ndikim në bërjen e fushatës nga disa kandidatë apo subjekte.
Në raport evidentohet se fushata në rrjetet sociale nuk ishte e rregulluar me ligj dhe se nuk ishte caktuar asnjë autoritet për ta monitoruar atë. Më tej, raporti thotë se mbyllja e TikTok kufizoi mundësitë e disa kandidatëve për fushatë.
“Fushata në rrjetet sociale nuk ishte e rregulluar me ligj dhe asnjë autoritet nuk ishte ngarkuar për ta monitoruar atë. Megjithëse shumica e partive politike kishin nënshkruar një Kod Sjelljeje për Fushatat Digjitale, disa subjekte përhapën përmbajtje përçarëse ose manipuluese, ndërsa llogari të palëve të treta dyshohet se përdorën veprimtari të koordinuar të rreme në platformat online për të amplifikuar sulmet ndaj opozitës.
Pjesëmarrësit në garë e shfrytëzuan në mënyrë aktive Facebook dhe Instagram, ndërsa ndalimi i TikTok nga qeveria, që hyri në fuqi më 6 mars 2025, kufizoi mundësitë e disa kandidatëve për të bërë fushatë. Megjithëse KQZ-ja konstatoi shkelje në postimet e institucioneve publike, ajo i ndërpreu hetimet në disa raste, dhe përpjekjet e saj të përgjithshme për monitorim mbetën të kufizuara në fushëveprim dhe efektivitet”, thuhet në raport.
Lini një Përgjigje