Politike25 Qershor 2024, 19:59

Mitsotakis në telashe/ Fredi Belerin nuk e duan në PPE, i heqin të drejtën e votës

Shkruar nga Pamfleti
Mitsotakis në telashe/ Fredi Belerin nuk e duan në PPE, i heqin
Fredi Beleri

Në Bruksel, e konsiderojnë çështje shqiptare me etiketën “corruption issue” (çështje korrupsioni”) dhe kërkojnë mosregjistrimin e eurodeputetit grek në PPE...

Fredi Beleri duket se është kthyer në problem për partinë e Mitsotakis. Zgjedhja e tij eurodeputet duket se i ka hapur telashe Demokracisë së Re në Parlamentin Europian dhe në PPE.

Gazeta “Estia” shkruan se Fredi Beleri nuk është lejuar të marrë pjesë në votimin për zgjedhjen e nënkryetarëve të Partive Popullore Europiane. Ai e ka dërguar me postë votën, por ajo është hedhur në kosh. Pra sinjal se nuk e duan si përfaqësues të tyre. 

Sipas medias greke, në Bruksel cilësohet si çështje shqiptare, për më tepër që Beleri është i dënuar për korrupsion dhe kjo duket se dëmton rëndë pozitat e Demokracisë së Re në organizmat ndërkombëtare.

Pjesë nga artikulli

Mandati i ri parlamentar i Demokracisë së Re në Parlamentin Evropian dhe Partinë Popullore Evropiane u përurua me ogur të keq. Fuqia e saj brenda këtyre organizmave është zbehur ndjeshëm pas performancës së dobët elektorale në zgjedhjet e fundit evropiane. Dy ngjarje në dukje të palidhura e dëshmojnë këtë.

E para: Lidershipi i Partisë Popullore Europiane nuk e ka lejuar eurodeputetin e PD-së, Fredi Beleri, të burgosur në burgjet shqiptare, të marrë pjesë me votim elektronik në procedurat për përzgjedhjen e nënkryetarëve të rinj të PPE! Sipas një versioni, ai nuk u lejua as të merrte pjesë në votim me postë. Ai e dërgoi votën me postë, por ajo nuk u llogarit në rezultatin përfundimtar!

Sido që të jetë, është një disfatë e përmasave kombëtare, sidomos kur shoqërohet me informacionin se në Bruksel, e konsiderojnë çështje shqiptare me etiketën “corruption issue” (çështje korrupsioni”) dhe kërkojnë mosregjistrimin e eurodeputetit grek në PPE!

Nëse kjo vendoset përfundimisht, sigurisht që do të thotë se politika gjermane, e cila dëshiron marrëdhënie të shkëlqyera me Shqipërinë e Edi Ramës, në fakt justifikon qëndrimet e kryeministrit provokues dhe “pastron” qeverinë dhe kryeministrin grek.

Megjithatë, kjo nuk është e vetmja çështje që lë në hije marrëdhëniet e Demokracisë së Re me Partinë Popullore Evropiane në një periudhë kritike për interesat kombëtare. E dyta është moszgjedhja e ish-presidentit të Demokracisë së Re, Evangelos Meimarakis, në postin e nënkryetarit të PPE, e cila fillimisht u shfaq në mediat e brendshme si “pushim” nga kryeministri Kyriakos Mitsotakis. /Pamfleti